William Fichtnerمانيش من هواة المسلسلات، لكن منذ شفت زوز حلقات من Prison Break على M6 عجبني المسلسل و مشيت نجري و جبدت الحلقات الكل متاع الموسم الثاني من أنترنات و كملت في الموسم الثالت إلي قاعد يمشي في قناة FOX .الإثنين هذا تعدات الحلقة الخامسة. نعمل جو كيف نتفرج علي المسلسل VO و كيفاش الممثلين ينطقوا بالأمريكية. و حتي الدوبلاج بالفرنسية هايل.
السيناريو و الإخراج و الديكور بالطبيعة أقوى ما تنجم تخرجوا الأستديوهات الأمريكية. و تنجموا تشوفوا أنو المسلسل مصنف من أحسن المسلسلات على imdb.
لكن إلي شدني هو قوة و حرفية الممثلين. تحسهم أنو الشخصية هي شخصيتهم من حيت تولدوا و مش في المسلسل فقط.و أكثر واحد أبهرني هو الممثل William Fichtner المتقمص لدور Alexander Mahone حرفية و إبداع !
رغم أني مانعرفوش من قبل هل الممثل. لكني آمس تفرجت على فيلم HEAT لآل باتشينو في التلفزة و ريتوا تعدى في دور ثانوي ! و كان يظهر صغير في العمر. يلزم طريق طويل للممثل بش يولي ناضج.
ثمة الممثلين لخرين إلي شدو إنتباهي في الموسم الثالث المتقمصين لدوري : Theodore "T-Bag" Bagwell و Brad Bellick
بعد ماكان قائد الحراس ولى ماعادش لاحق على شربة ماء في الموسم الثالث
هي غرمة غرمة، صديقة تونسية نصحتني بمسلسل آخر إسمو : Tell Me You Love Me بديت نتفرج على بعض الحلقات أما ظاهر فيه متوسط.
Tell me you love me
Aucun commentaire:
Enregistrer un commentaire