مرة نغلبو و مرة يغلبني...لكن ملاّ بدا رمضان غلبني بالضربة القاضية و خلاّني ندّهشر.
كل صباح تبدا المعاناة متاعي كيف يصوني البورتابل و نقوم نسكتو ونرجع نرقد قال شنوّا نزيد درج و نقوم...واش يحلى هاك الدرج, كان نلقى نشريه بالفلوس!
و بعدها نقوم مفجوع و نبدا نجري و نجرّي باش ما تفوتنيش هاك الكازي السبيسيال و ترسيلي ريتار...
نلحق عل الكار ونلقاها زحمة كي السردينة و نكمّل نعمل فاها نومة مرّة واقف, مرّة قاعد و مرّة نبدا مكالي من الشيرات الكل...
نوصل للفاك و في الكلاس يعاود يهجم عليّا النوم خاصة عاد كيف تبدا ماتيار ماسطة و نبدا ضايع فاها...عاد نحط يدّي على راسي ونعمل تعسيلة و ما نفيق كان في الدرج لخّر...
هاو بديت نتثاوب, أيّا تصبحو على خيييير
Aucun commentaire:
Enregistrer un commentaire